ஆங்கில இலக்கிய உலகில், நாடாகாசிரியர் சேக்ஸ்பியருக்கு அடுத்தபடியாகக் காப்பிய ஆசிரியராக மதிக்கப்படும் ஜாண் மில்டனின் ஜாதகத்தை இந்த வாரம் தருகின்றோம். அவரது ஜாதகத்தில் நாம் கவனிக்க வேண்டிய விசயங்கள் மூன்று.
- கவிஞராக விளங்கியதற்கான யோகங்கள்.
- முதலிரண்டு மனைவியரின் இறப்பு.
- 44 வயதுக்கு மேல் பார்வையை இழந்ததற்கான காரணங்கள்.
19.12.1608ல் பிறந்த அவரது ஜாதகம் கீழ்க்கண்டவாறு அமைந்துள்ளது.
கவிஞராக விளங்கியதற்கான ஜாதகக் குறிப்புக்கள்:
- இரண்டாம் பாவத்தில் சுக்கிரனும், புதனும் சேர்க்கை.
- இரண்டாம் பாவத்தில் வர்க்கோத்தம சுக்கிரன்.
- இரண்டுக்குடைய வியாழன் ஐந்தாம் பாவத்தோடு சேர்க்கை.
- லக்னத்துக்கு, உச்சம் பெற்றுப் பலமாக இருக்கும் வளர்பிறைச் சந்திரனின் பரிபூரணமான பார்வை.
- மூன்றுக்குடைய சனி, சந்திரனுக்குத் திரிகோணத்திலும், குருவுக்குக் கேந்திரத்திலும் இருப்பது.
(பாரதியும், ஷெல்லியும் கட்டுரையோடு ஒப்பிட்டுப் பார்த்துக் கொள்ளலாம்.)
மனைவியரின் இறப்புக்கான குறிப்புக்கள்:
- அட்டமாதிபதி புதன் இரண்டாம் பாவத்தில் இருப்பது.
- இல்லற வாழ்க்கையைக் குறிக்கும் புள்ளி தனுசில் 29 பாகை 23 கலையில் இருக்கிறது. இது ஏழுக்கு எட்டாமிடமான இரண்டில் இருப்பது மனைவிக்குக் கெடுதலைச் செய்யும்.
- ஏழாம்பாவாதிபதி சுக்கிரன் உபய ராசியில், உபய ராசி அம்சத்தில் இருக்கும் போது இல்லற வாழ்க்கையைக் கெடுக்கின்றது.
- துவாதசாம்சச் சக்கரத்தில் ஏழுக்குடைய வியாழன், ஆறாமிடத்தில் அமைந்து, பன்னிரண்டிலுள்ள செவ்வாய், சனியால் பார்க்கப்படுவது.
கண் பார்வை இழப்புக்கான குறிப்புக்கள்:
- ஆறாம் பாவாதிபதி சுக்கிரன் இரண்டில் இருப்பது.
- எட்டாம் பாவாதிபதியும் இரண்டில் இருப்பது.
- ஆறாம் பாவத்தின் நவாம்சபதி சனி, இரண்டாம் பாவத்தின் நவாம்சபதி செவ்வாயை மூன்றாம் பார்வையாகப் பார்ப்பது.
- சனியின் பார்வையைப் பெறும் செவ்வாய், பன்னிரண்டுக்குடையவனாகவும் இருப்பது.
சோதிட ஆர்வலர்கள் இக்குறிப்புக்களை சோதித்துப் பார்த்துச் சரியான குறிப்புக்களை எடுத்துக்கொள்ளவும் தவறான குறிப்புக்களைத் தள்ளிவிடவும் கடமைப்பட்டவர்கள் ஆவர்.
This Week’s Quote:
None can love freedom heartily, but good men; the rest love not freedom, but licence
- Milton
ஜோதிடத்தில் நாட்டம் கொண்டுள்ள யாரும் இந்த இணையதளத்தில் தங்கள் கருத்துக்களைப் பதிவு செய்யலாம்.